અમદાવાદ : શહેરમાં ટ્રાફિક નિયમોના ઉલ્લંઘનના કેસો સતત વધતા જઈ રહ્યા છે પરંતુ તેના મુકાબલે દંડની વસૂલાત સતત ઘટતી જોવા મળી રહી છે. હાઈ કોર્ટ દ્વારા કડક અમલવારીના આદેશ બાદ પણ ટ્રાફિક વિભાગે દંડ વસૂલાતમાં યોગ્ય ગંભીરતા દાખવી નથી, જેના પરિણામે શહેરમાં હાલ ₹308 કરોડથી વધુ રકમ બાકી છે.
મળતી માહિતી મુજબ, છેલ્લા ત્રણ વર્ષમાં કુલ 54 લાખથી વધુ ટ્રાફિકના કેસ નોંધાયા, પરંતુ દંડ ભરનારાઓની સંખ્યા ખૂબ જ ઓછી છે. માત્ર 10.36 લાખ લોકોએ જ દંડ ભર્યો છે, જે કુલ કેસ સામે માત્ર 18.92 ટકા બને છે.
દંડ વસૂલાતના આંકડા ચોંકાવનારા છે.
➡️ કુલ વસૂલવાનો દંડ: ₹381.74 કરોડ
➡️ વસૂલાયેલ દંડ: ₹73.39 કરોડ
➡️ બાકી રકમ: ₹308.35 કરોડ
વસૂલાતનો દર વર્ષદરમીયાન ભારે ઘટ્યો છે:
| વર્ષ | નોંધાયેલા કેસ | વસૂલાત દર |
|---|---|---|
| 2023 | 2,14,032 | 34.25% |
| 2024 | — | 24.27% |
| 2025 (જાન્યુ-નવેમ્બર) | 32,61,177 | 14.71% |
2025ના માત્ર પ્રથમ 11 મહિનામાં જ ₹217.13 કરોડનો દંડ ફટકારવામાં આવ્યો, પરંતુ ટૂંકમાં માત્ર ₹31.94 કરોડની જ વસૂલાત થઈ, એટલે કે વસૂલાત દર ઘટીને 14.36 ટકા પર આવી ગયો છે.
ઓનલાઇન પેમેન્ટ, ચલ્લાન પોર્ટલ અને કલેક્શન વિન્ડો જેવી વ્યવસ્થાઓ હોવા છતાં વાહનચાલકો દંડ ચૂકવતા નથી. ટ્રાફિક વિભાગની ઢીલાશ અને કાર્યવાહી ન થવાને કારણે દંડની રકમ એક નાના શહેરના વાર્ષિક બજેટ જેટલી મોટી બની ગઈ છે.
નાગરિકોમાં પ્રશ્ન ઉઠી રહ્યો છે કે —
📌 શું દંડ માત્ર કાગળ પર જ છે?
📌 દંડની ન ચુકવણીને લઈને તંત્ર અમલવારી ક્યારે કડક કરશે?
📌 સતત વધતા બાકી દંડથી શહેરની ટ્રાફિક પોલિસી અસરકારક ગણાવી શકાય?