વાપી થી ચાણસ્મા જઈ રહેલી બસને વહેલી સવારે અમદાવાદ મુંબઈ નેશનલ હાઈવે ઉપર અકસ્માત નડ્યો હતો

વાપી થી ચાણસ્મા જઈ રહેલી બસને આજે વહેલી સવારે અકસ્માત નડ્યો હતો. અમદાવાદ મુંબઈ નેશનલ હાઈવે ઉપર ઊભેલી ટ્રકની પાછળ એસટી બસ ઘુસી જતા 19 લોકોને ઈજા પહોંચી હતી વલસાડથી મહેસાણા પરીક્ષા આપવા જઈ રહેલા વિદ્યાર્થીઓ પણ ઈજાગ્રસ્ત થયા છે જ્યારે બસના ડ્રાઈવરને ગંભીર ઇજા થઈ છે આ તમામ લોકોને વડોદરાની એસ એસ જી હોસ્પિટલ સારવાર અર્થે ખસેડવામાં આવ્યા છે મળતી પ્રાથમિક જાણકારી અનુસાર છ વિદ્યાર્થીઓ સ્ટેબલ પરિસ્થિતિમાં છે જ્યારે બેને થોડી ગંભીર ઈજા થઈ છે વિદ્યાર્થીઓની પરીક્ષા હોવાના કારણે તેમને પ્રાથમિક સારવાર આપી મહેસાણા મોકલી આપવાની કામગીરી હાથ ધરાઈ હતી

વિદ્યાર્થી રાહુલ પટેલે જણાવ્યું હતું કે અમે વાપી થી નંદાસણ જઈ રહ્યા હતા ત્યારે રસ્તામાં અકસ્માત થઈ ગયો હતો. રસ્તામાં આવેલી ટ્રકની પાછળ બસ અથડાઈ હતી અકસ્માત સમય દરમિયાન મુસાફરો ઊંઘી રહ્યા હતા અચાનક ઝાટકો લાગતા અકસ્માત થયાની જાણ થઈ હતી બસની અંદર 40 થી 45 જેટલા મુસાફરો હતા વિદ્યાર્થીઓ જીટીયુની પરીક્ષા આપવા માટે જઈ રહ્યા હતા તે દરમિયાન અકસ્માત થયો હતો

વિદ્યાર્થીની હિતીક્ષા પટેલે જણાવ્યું હતું કે અમે વાપી થી મહેસાણા જિલ્લાના વડસ્મા ખાતે આવેલ એસઆરઆઈ કોલેજ BE ના છેલ્લા સેમેસ્ટર ની પરીક્ષા આપવા માટે જઈ રહ્યા હતા મુસાફરો ઊંઘમાં હતા દરમિયાન એસટી બસ ઉભેલી ટ્રકની પાછળ અથડાઈ હતી