સંસ્કારી નગરી વડોદરાની સૌંદર્યપ્રેમી નારીઓ માટે એક અનોખી ઉજવણીરૂપ ઇવેન્ટ “બ્રાઇડલ બેઠક 2025”નું ગૌરવશાળી આયોજન પ્રથમ વખત ગૌરી અલકાપુરી દ્વારા કરવામાં આવ્યું. આવનારી લગ્ન સિઝનને ધ્યાનમાં રાખીને આયોજિત આ બે દિવસીય વિશિષ્ટ ઇવેન્ટ વડોદરાની નારીઓ માટે અવિસ્મરણીય બની રહી.
વડોદરા શહેરમાં સૌંદર્ય અને નારી સજાવટના ક્ષેત્રે અગ્રણી સ્થાન ધરાવનાર “ગૌરી”ની સ્થાપના વર્ષ 1941માં માત્ર 400 સ્ક્વેર ફૂટના નાનકડા સ્થાનથી કરવામાં આવી હતી. આજે તે 12,000 સ્ક્વેર ફૂટના વિશાળ વિસ્તાર સુધી વિસ્તરી, છેલ્લા ૮ દાયકાથી (84 વર્ષ) વિશ્વાસ અને ગુણવત્તાની પ્રથમ હરોળમાં અડગ છે.
ગૌરી પરિવાર હંમેશા “ગુણવત્તા સાથે વ્યાજબી કિંમત”ના સિદ્ધાંત પર ચાલે છે અને ગ્રાહક સંતોષને સર્વોપરી સ્થાન આપે છે. આજની પેઢી શુભ પ્રસંગોને આગવી શૈલીમાં ઉજવવા ઉત્સુક છે — એ જ ભાવનાને કેન્દ્રમાં રાખીને “લગ્ન-શાદી” પ્રસંગોની દરેક જરૂરિયાતને એક જ છત નીચે પૂરી પાડવા માટે “બ્રાઇડલ બેઠક”નું આયોજન કરવામાં આવ્યું.
આ કાર્યક્રમ ગૌરી RMS, મિરાકી, અલકાપુરી ખાતે તા. 13 ઓક્ટોબર 2025ના રોજ સવારે 11 થી રાત્રે 8 વાગ્યા સુધી યોજાયો હતો. ઇવેન્ટમાં શહેરના ગ્રાહકો, વહેપારીઓ, તથા સૌંદર્યપ્રેમી નાગરિકોએ ભારે ઉત્સાહપૂર્વક હાજરી આપી હતી.
આ ઈવેન્ટની વિશેષતા એ રહી કે — પ્રથમવાર વડોદરા શહેરમાં બ્રાઇડલ સંબંધિત તમામ સેવાઓ અને એજન્સીઓના સ્ટોલ એક જ સ્થળે જોવા મળ્યા હતા — જેમ કે મેકઅપ આર્ટિસ્ટ, ડિઝાઇનર ડ્રેસ, જ્વેલરી, ફોટોગ્રાફી, ડેકોરેશન, કેટરિંગ વગેરે.
આ રીતે “બ્રાઇડલ બેઠક 2025” વડોદરાના ઈવેન્ટ કૅલેન્ડરમાં એક નવી શરૂઆત તરીકે નોંધાઈ છે — જ્યાં પરંપરા અને આધુનિકતાનો અદભૂત મેળાપ જોવા મળ્યો.
