રાષ્ટ્રીય શાયર ઝવેરચંદ મેઘાણીની જન્મ જયંતી નિમિત્તે તેઓની પ્રતિમાને પુષ્પાંજલિ અર્પણ કરવામાં આવી

વડોદરા મહાનગરપાલિકા દ્વારા રાષ્ટ્રીય શાયર ઝવેરચંદ મેઘાણીની જન્મ જયંતી નિમિત્તે ચકલી સર્કલ સ્થિત તેઓની પ્રતિમાને પુષ્પાંજલિ અર્પણ કરવામાં આવી હતી

રાષ્ટ્રીય શાયર ઝવેરચંદ મેઘાણીનો જન્મ 28 ઓગસ્ટ 1896ના રોજ ચોટીલા, સૌરાષ્ટ્ર ખાતે થયો હતો અને તેમનું અવસાન 9 માર્ચ 1947ના રોજ બોમ્બે (હાલ મુંબઈ) ખાતે થયું હતું. તેઓ લોકસાહિત્યના અદ્વિતીય સર્જક, વાર્તાકાર, કવિ અને સામાજિક જાગૃતિના ધ્વજવાહક હતા. “ચરણે કાંઠે”, “સોરઠી બહારવટો”, “રસધાર” જેવા અમર ગ્રંથો દ્વારા તેમણે ગુજરાતના લોકજીવનને સાહિત્યમાં જીવંત કર્યું હતું.તેમના લોકપ્રિય કાવ્યો અને ગીતોમાં “ચારણ કન્યા” ખાસ ઉલ્લેખનીય છે, જેમાં સ્ત્રીશક્તિનું ગૌરવ અને પરંપરાગત સાહસને અનોખી અભિવ્યક્તિ મળી છે. લોકગીતો અને લોકકથાઓને એકત્રિત કરીને તેમણે ગુજરાતની અમૂલ્ય પરંપરા આવનારી પેઢીઓને અર્પી હતી. મહાત્મા ગાંધીજીએ તેમની લોકજાગૃતિને માન આપીને રાષ્ટ્રીય શાયરની ઉપાધિ આપી હતી. તેમનું સાહિત્ય આજે પણ પ્રેરણાસ્ત્રોત બની રહ્યું છે.. વડોદરા મહાનગર પાલિકા દ્વારા રાષ્ટ્રીય શાયર ઝવેરચંદ મેઘાણી જન્મ જયંતી નિમિત્તે ચકલી સર્કલ ખાતે આવેલ ઝવેરચંદ મેઘાણીની પ્રતિમાને પુષ્પાંજલિ અર્પણ કરવાના કાર્યક્રમનું આયોજન કરવામાં આવ્યું હતું.

આ અવસરે મેયર પિન્કીબેન સોની, ડેપ્યુટી મેયર ચિરાગ બારોટ, સ્થાયી સમિતિના ચેરમેન ડો. શીતલ મિસ્ત્રી, શાસક પક્ષના નેતા મનોજ પટેલ તથા કાઉન્સિલરો, પાલિકાના અધિકારીઓ, વડોદરા શહેર BJP પ્રમુખ ડો. જય પ્રકાશ સોની તથા અન્ય હોદેદારો, સાહિત્ય પ્રેમીઓ અને નગરજનોની ઉપસ્થિતિ વચ્ચે ઝવેરચંદ મેઘાણીની પ્રતિમાને પુષ્પાંજલિ અર્પણ કરવામાં આવી હતી.