અમદાવાદ વડોદરા એક્સપ્રેસ હાઈવે ઉપર આજે નડિયાદ પાસે સવારના એક કાર ટ્રકની પાછળ ઘૂસી જતા અકસ્માત સર્જાયો હતો. અકસ્માત બાદ કારમાં આગ ફાટી નીકળી હતી સબ નસીબે કારમાં સવાર પાંચ વ્યક્તિઓનો આબાદ બચાવ થયો હતો. મળતી માહિતી અનુસાર વડોદરા થી અમદાવાદ તરફ જઈ રહેલી એક કાર ટ્રક સાથે અથડાઈ હતી ટક્કરના કારણે કારમાં આગ લાગી હતી. જોત જોતામા આગે વિકરાળ સ્વરૂપ ધારણ કર્યું હતું કારમાં સવાર એક જ પરિવારના પાંચે સભ્યોએ સમય સૂચકતા વાપરી બહાર નીકળી ગયા હતા જેના કારણે તેઓ સુરક્ષિત રહ્યા હતા જોકે આગ એટલી તીવ્ર હતી કે આખી કાર સંપૂર્ણ પણે બળીને ખાખ થઈ ગઈ હતી અકસ્માત અને
આગની જાણ થતા જ એક્સપ્રેસ હાઈવે ઉપર પેટ્રોલિંગ ટીમ અને નડિયાદ ફાયર બ્રિગેડની ટીમ ઘટના સ્થળે આવી પહોંચી હતી ફાયર બ્રિગેડના જવાનોએ પાણીનો મારો ચલાવી આગ ઉપર કાબુ મેળવ્યો હતો. જોકે ત્યાં સુધીમાં કાર સંપૂર્ણ પણે બળી ચૂકી હતી આ ઘટનાના પગલે હાઈવે ઉપર વાહન વ્યવહાર ખોરવાયો હતો એક્સપ્રેસ હાઈવે પેટ્રોલિંગ ટીમે તાત્કાલિક પગલા લીધા હતા વડોદરા થી અમદાવાદ તરફ જતા ટ્રાફિકને ત્રીજા લેન ઉપર વાળવામાં આવ્યો હતો જેથી ટ્રાફિક વ્યવસ્થા સુચારુ રીતે જળવાઈ રહે અને વાહનચાલકોને અગવડ ન પડે
