વડોદરા મ્યુનિસિપલ કોર્પોરેશનમાં ક્લાસ–વન અધિકારીઓની માસ C.L. ચર્ચા ચરમસીમાએ , આ મામલે કમિશનરનું નિવેદન બહાર આવ્યું છે.વડોદરા મ્યુનિસિપલ કોર્પોરેશનમાં ક્લાસ–વન અધિકારીઓની માસ સીએલ મુદ્દે મ્યુનિસિપલ કમિશનર અરુણ મહેશ બાબુએ મહત્વનું નિવેદન આપ્યું છે.કમિશનરે જણાવ્યું કે “પરમ દિવસે ક્લાસ–વન ઓફિસરોએ મને આવેદનપત્ર આપ્યું હતું. બે–ત્રણ મુદ્દાઓને લઈને તેમની તરફથી રજૂઆત કરવામાં આવી હતી. તેમની માંગણીઓને ધ્યાનમાં લઇ તેમણે રજા પર ઉતરવાનો નિર્ણય કર્યો હતો, છતાં ફિલ્ડ વર્ક યથાવત ચાલુ હતું.”કમિશનર મુજબ અધિકારીઓની વિવિધ માંગણીઓ છે, જેમાં વિભાગીય કામગીરી, સુવિધાઓ અને પારદર્શિતા સંબંધિત મુદ્દાઓનો સમાવેશ થાય છે. આ માંગણીઓ અંગે જીએડી વિભાગને સૂચના આપી કાર્યવાહી શરૂ કરી દેવામાં આવી છે.બીજી તરફ કોર્પોરેશનના ક્લાસ–વન અધિકારીઓએ તેમની ચેમ્બરમાં સી.સી.ટીવી કેમેરા સ્થાપવાની માંગ પણ કરી છે, તેમજ આરટી.આઈ સહિતના મુદ્દાઓ પર પણ કમિશનર સાથે વિગતવાર ચર્ચા કરી છે.કમિશનર અરુણ મહેશ બાબુએ જણાવ્યું હતુ કે “અધિકારીઓની માંગણીઓને પૂર્ણ કરવા યોગ્ય જે તે પગલાં લેવામાં આવશે અને આ બાબતે જલદી નિરાકરણના પ્રયત્નો છે માસ સીએલને કારણે વિભાગીય કામગીરી પર અસર ન થાય તે માટે તંત્ર સતર્ક બની ગયું છે અને ઉકેલ માટે ઝડપથી પ્રક્રિયા આગળ વધી રહી છે.
